భాషా ప్రయుక్త రాష్ట్రమా గాడిద గుడ్డా!

అసలీ బ్లాగు మొదలు పెట్టిన మొదటి రోజుల్లోనే తెలంగాణా పై నా అభిప్రాయాలను వివరిస్తూ ఒక పోస్టు చేద్దామనుకున్నాను. కానీ ఒకదాని వెంట ఒకటి రాయావలసిన విషయాలు ఉండటంతో రాయలేకపోయాను. కానీ ఇప్పుడు రాయక తప్పదనిపిస్తోంది.

ఒక బస్సులో నాలుగైదు గంటలు కలిసి ప్రయాణించిన మన సహచర ప్రయాణికుడు “ఇక వెళ్లొస్తాను” అంటేనే మనసులో ఏదో మూల చిన్న బాధ కలుగుతుంది చాలామందికి. అలాంటిది కష్టమో నిష్టూరమో యాభై యేళ్లు కలిసి ఉన్నాం. ఇప్పుడు విడిపోయే రోజు దగ్గరపడుతుంటే సహజంగానే చాలా బాధ వేస్తుంది. కొంత మందికి ఆ ఆలోచనే రుచించదు. ఇంకొంత మందికి విడిపోవాలనే వారిపై ఏదో ఒక స్థాయిలో కోపం వస్తుంది.

నా మిత్రుల్లో కనీసం యాభై శాతానికి పైగా ఆంధ్ర ప్రాంతం వాళ్లు. అందులో నా మనసుకి మరీ దగ్గర మిత్రుడొకడు ఆ మధ్య నన్నడిగాడు “ఏరా తెలంగాణా రాగానే మమ్మల్నీ తోలేస్తారా వెనక్కి?” అని.

నిజం చెప్పొద్దూ, ఒక్క క్షణం నోటి వెంట మాట రాలేదు నాకు.

“అలా తోలేయడం ఉండదు రా” అని బదులిచ్చాను. “మరి పరిస్థితిలో ఏం మార్పు ఉంటుందంటావ్?” మళ్లీ అడిగాడు.
“ఆంధ్ర ప్రాంతం నుండి వచ్చిన వాళ్లకు పెద్దగా మార్పేమీ ఉండదురా. కోదాడ అవతల NH-9పై ఒక బార్డర్ చెక్ పోస్టు వస్తుందంతే” వివరించాను. తెలంగాణా ప్రాంతానికి ఏం ఒరుగుతుందని నా మిత్రుడు అడగలేదు. కానీ నేనే వివరించానతనికి. (తెలంగాణా వస్తే సమసమాజం ఏర్పడుతుందా? అని సుధాకర్ గారు ప్రశ్నించారు. దానికి విడిగా జవాబు రాస్తాను)

బాల సుబ్రహ్మణ్యం గారు “మనం స్వాతంత్ర్యం వచ్చాక ఒకే జాతికి చెందిన ప్రజలతో అర్థవంతమైన రాష్ట్రాలు ఏర్పరచి రాష్ట్రాల ఏర్పాటుకు ఒక హేతుబద్ధమైన విధానాన్ని రూపొందించుకున్నాం…” అన్నారు.

దానికి నా ప్రతిస్పందన ఇది

——————————–

భాషా ప్రయుక్త రాష్ట్రమా గాడిద గుడ్డా!

ఒక భాష మాట్లాడే వాళ్లందరినీ ఒక రాష్ట్రంగా ఉంచాలనే వాదనను భారత ప్రభుత్వం ఏనాడూ ఒప్పుకోలేదు. రాష్ట్రం ఏర్పాటు చేయడానికి అదొక్కటే కారణం సరిపోదని ఇంకా చాలా కారణాలు ఉంటాయనీ మన తొలితరం నేతలు అనేకులు అభిప్రాయపడ్డారు. State Reorganization Bill పై లోక్ సభలో 10 ఆగస్ట్ 1956 నాడు చర్చలో పాల్గొంటూ ఆనాటి ప్రధాని జవహర్ లాల్ నెహ్రూ స్వయంగా “We do not stand for this principle of unilingualism” అని పేర్కొన్నారు.

ఆంధ్ర ప్రదేశ్ తొలి భాషా ప్రయుక్త రాష్ట్రమనేది చాలా తరచుగా వినిపించే అర్ధ సత్యం. ఆంధ్రప్రదేశ్ ఏర్పాటును భాషా ప్రాతిపదికన చేసినట్టయితే దాంట్లో ఒరిస్సా రాష్ట్రంలోని గంజాం, బెర్హంపూర్, పర్లాఖిమిడి; కర్ణాటక నుండి హంపీ (బెల్లారి); తమిళనాడులోని తెలుగు మాట్లాడే ప్రాంతాలు కలిసేవి.

ఆసక్తికరమైన విషయం ఏంటంటే ఆంధ్ర రాష్ట్రం కోసం ఉద్యమించే రోజుల్లో ఆంధ్ర మహాసభ, ఇవ్వాళ తెలుగు ప్రజలకు అత్యంత ప్రీతిపాత్రమైన దేవుడున్న తిరుపతిని (అది తమిళుల గుడి కాబట్టి, తిరు అంటే శ్రీ అని అర్ధం, శ్రీపతి కాస్తా తిరుపతి అయ్యాడు) బాయ్ కాట్ చెయ్యాలని పిలుపిచ్చింది.

ఆనాడు కర్నూల్ లో ఉన్న ఆంధ్ర రాష్ట్ర అసెంబ్లీలో మాట్లాడుతూ స్వర్గీయ శ్రీ పి. తిమ్మారెడ్డిగారు బళ్లారిని ఆంధ్ర ప్రదేశ్ లో కలపాలని గట్టిగా డిమాండ్ చేస్తూ, రాయలసీమ జిల్లాలు BACKward జిల్లాలని అన్నాడు (B=Bellari; A=Anantapur; c=Cuddapah, Chittor; K= Kurnool). బళ్లారి లేకుంటే రాయలసీమకు తలకాయ లేనట్టే అని ఆయన ఆనాడు అన్నాడు. అదే విషయం గురించి 24-4-1956 లో పార్లమెంటులో మాట్లాడుతూ ఎంపీ శ్రీ రామచంద్రారెడ్డి ఇలా అన్నారు “If Bellari is taken away, the portion of Raayalaseema will become not only still BACKward but also AWKward”

ఆనాడు విశాలాంధ్ర అనీ, భాషా ప్రయుక్త రాష్ట్రమనీ పోరాడిన వారికి ఈ ప్రాంతాలు కనపడలేదా? లేక కనపడ్డా విలువైన తెలంగాణా ముందు అవి విలువలేనివిగా కనపడ్డాయా?

ఇక ఒకే భాష మాట్లాడే వాళ్లంతా ఒకే జాతి అనీ, ప్రపంచంలో అనేక దేశాలు అలాగే ఏర్పడ్డాయనే వాదన తీసుకొస్తున్నారు. ఇక్కడ మనం దేశాలు ఏర్పాటు చెయ్యడం గురించి మాట్లాడడం లేదు. కాబట్టి అది అప్రస్తుతం. రాష్ట్రాల విషయమే మాట్లాడుదాం.

భాషకో రాష్ట్రం అనే లాజిక్ ఉపయోగిస్తే దేశంలో 22కు మించి రాష్ట్రాలు ఉండే అవకాశమే లేదు (మన రాజ్యాంగం అధికారికంగా గుర్తించిన భాషలు 22). మరి హిందీ మాట్లాడే రాష్ట్రాలు 9 ఎందుకు ఉన్నట్టు? స్వతంత్రం వచ్చే నాటికే అవన్నీ ఉన్నాయనుకోవడానికీ లేదు. 1947 లో 14 రాష్ట్రాలు ఉంటే ఇప్పుడవి 35 అయ్యాయి (29 రాష్ట్రాలూ, 6 కేంద్ర పాలిత ప్రాంతాలూ). అవన్నీ ఏ ప్రాతిపదికన ఏర్పడ్డాయి?

ఇక భాషనే జాతీయతకు ఏకైక సూత్రం అనే వాదాన్ని వితండవాదం చెయ్యదలుచుకుంటే మన దేశంలో 10,000మంది కంటే ఎక్కువమంది మాట్లాడే భాషలు 211 ఉన్నాయి. ఏం వారందరికీ రాష్ట్రాలు అక్కరలేదా?

పాండిచ్చేరీ ఉదాహరణ తీసుకుందాం. తెలుగు మాట్లాడే యానాం, తమిళం మాట్లాడే పాండిచ్చేరి, మళయాళం మాట్లాడే మాహెలు కలిపి ఒక రాష్ట్రం ఏర్పాటు చేశారు. కనీసం మూడూ ప్రాంతాలూ భౌగోలికంగా కూడా ఒక్కదగ్గర లేవు, వందల కిలోమీటర్ల దూరంలో ఉన్నాయి. పాండిచ్చేరి రాష్ట్ర ఏర్పాటుకు ఒకటే ప్రాతిపదిక. ఈ మూడు ప్రాంతాలూ ఫ్రెంచ్ కాలనీలుగా ఉండటం. పోర్చుగీసు పాలనలో ఉన్న డామన్, డయ్యు లను కూడా విడిగా కేంద్రపాలిత ప్రాంతంగా ఉంచారు. అందులో ఒకటి గుజరాత్ లో ఉంటే మరొకటి మహరాష్ట్ర, గుజరాత్ ల సరిహద్దులో ఉంది.

మరి అదే లాజిక్ తెలంగాణా కూడా వర్తించొచ్చు కదా?

స్వతంత్రం వచ్చాక రాష్ట్రాలను సహేతుకంగా ఏర్పాటు చేయడం కోసం కేంద్ర ప్రభుత్వం ఏర్పాటు చేసిన రాష్ట్రాల పునర్విభజన కమీషన్ (ఫజల్ అలీ కమీషన్) ఎంతో ప్రయాసపడి ఒక నివేదిక ఇస్తే దాన్ని పట్టించుకోకుండా రాష్ట్రాల ఏర్పాటు ప్రక్రియ కొనసాగింది. (మొదటి ఎస్సార్సీ తెలంగాణా విషయం లో ఏమన్నదో ఇక్కడ చదవండి)

1960లో ఉమ్మడి బాంబే రాష్ట్రాన్ని మహారాష్ట్ర, గుజరాత్ లు గా విభజించింది మొదలు మొన్న 2000 సంవత్సరంలో జార్ఖండ్, చత్తీస్ గడ్, ఉత్తరాంచల్ లు ఏర్పరిచే వరకు వివిధ కారణాలు చూపుతూ సగటున ప్రతి 4-5 యేళ్లకు ఒక కొత్త రాష్ట్రం ఏర్పాటవుతూనే వచ్చింది మన దేశంలో.

సిక్కిం అనే స్వతంత్ర దేశాన్ని కూడా ఆక్రమించుకుని  మనదేశంలో ఒక రాష్ట్రంగా ప్రకటించుకున్నాం.

నడుస్తున్న ప్రభుత్వాల చిత్తం వచ్చిన చోట, స్వార్ధ పరుల ప్రయోజనాలు సిద్ధించేటట్టు రాష్ట్రాల ఏర్పాటు జరిగిందీ దేశంలో.

తెలంగాణా విషయం రాగానే కొత్త లాజిక్ లు గుర్తొస్తాయి. అప్పుడు చరిత్ర చాలా కన్వీనియంట్ గా మరచిపోతారు మన మిత్రులు.

బాల సుబ్రహ్మణ్యం గారు “మీరు ఇంత తెలిసినవారై ఉండి కేసీయార్ లాంటి దగుల్బాజికి వంతపాడే పని భుజానికెత్తుకున్నందుకు నాకు చాలా బాధగా ఉంది.” అన్నారు.

తెలంగాణా కావాలని కోరుకుంటున్నది మూడున్నర కోట్ల మంది ఇక్కడి ప్రజలు. కేసీయారు, నరేంద్ర, వంటి నేతలు మాత్రమే కాదు. చంద్రబాబు, వైయెస్ కన్నా ఎక్కువ దగుల్బాజీ ఏమీ కాడు కేసీయార్!

ప్రజల ఆకాంక్షలను నిచ్చెన మెట్లుగా చేసుకుని పదవులు అధిరోహించే నేతలు అన్ని చోట్లా ఉంటారు. అది తెలంగాణా ప్రజలకు అందరి కన్నా బాగా తెలుసు. కాబట్టి Don’t try to shoot Telangana from KCR’s shoulders.

Note: గమనిక: ఈ పోస్టును రాయడానికి ఉపయుక్తమైన సమాచారం “తెలంగాణా చరిత్ర పునర్నిర్మాణం” పుస్తకం నుండి తీసుకోబడింది.

ప్రకటనలు

1 Response to “భాషా ప్రయుక్త రాష్ట్రమా గాడిద గుడ్డా!”


  1. 1 రహంతుల్లా 6:36 ఉద. వద్ద డిసెంబర్ 26, 2009

    రైల్వేలో మన రాష్ట్రానికి ఎప్పుడూ అన్యాయమే జరుగుతోంది కాబట్టి,ఆంధ్రపదేశ్‌ని ప్రత్యేక దేశంగా ప్రకటించాలి లాంటి వితండవాదనలు ఏదో రకంగా మొండిగా సమైక్యవాదాన్ని సమర్దించటం కోసమే గానీ వాదనలో పస లేదు.జై ఆంధ్ర అంటాను జైతెలంగాణా అంటాను.విడిపోతే తప్పేంటి అనే వెంకయ్యనాయుడులాగా సమైక్యవాదులు ఎందుకు కలిసుండాలో కారణాలతో సహా స్పష్టంగా చెప్పాలి.మన పక్కనే ఉన్న యానాం ను రాష్ట్రంలో కలపాలని అడగకుండా సమైక్యవాదులు ఎందుకు విడిచిపెడుతున్నారో అర్ధం కావటం లేదు.ఆంధ్రప్రదేశ్‌లోని తూర్పుగోదావరి జిల్లాలో కాకినాడ దగ్గర 30చ.కి.మీ.విస్తీర్ణం ఉన్న కేంద్రపాలిత ప్రాంతం యానాం . దాదాపు 30వేల జనాభా.యానాం పర్యాటక ప్రాంతం. యానాం వార్తలు తూర్పుగోదావరి పేపర్లలోనే వస్తాయి.యానాంకు రాజధాని పాండిచ్చేరి సుదూరంగా తమిళనాడులో870కి.మీ దూరంలో ఉంది .యానాం 1954 దాకాభారత్ లో ఫ్రెంచ్ కాలనీగా ఉంది.నేడు పుదుచ్చేరి కేంద్ర పాలిత ప్రాంతంలో భాగం.1954లో లో విమోచనం చెంది స్వతంత్రభారతావనిలో విలీనంచెందినా 1956 లో భాషా ప్రాతిపదికన తెలుగు రాష్ట్రంలో కలవలేదు.1948లో హైదరాబాద్ ను పోలీసు చర్యజరిపి ఇండియాలో కలిపారు.1949 లో అప్పటికి ఒక ఫ్రెంచి కాలనీ గా ఉన్న చంద్రనాగూర్, సమీపంలోని బెంగాల్ రాష్ట్రంలో విలీనం అయింది. కాకినాడ మునిసిపల్ కౌన్సిల్ కూడా యానాన్ని కలపాలని తీర్మానం చేసింది. 870కి.మీ దూరంలోని తమిళ పుదుచ్చేరి నుండి పాలన కష్టంగా ఉంది.పుదుచ్చేరికి యానాం ప్రజల ప్రయాణం ఆంధ్రలోని కాకినాడ నుండి జరుగుతుంది.దివంగత ముఖ్యమంత్రి రాజశేఖరరెడ్డి విగ్రహాన్ని యానాంలో ఏర్పాటు చేయాలని యానాం కాంగ్రెస్ తీర్మానించింది.ఇండోర్ స్టేడియం,కళ్యాణమండపం,ధవళేశ్వరం-యానాం మంచినీటి ప్రాజెక్టులకు రాజశేఖరరెడ్డి పేరు పెడతామని పుదుచేరి రెవిన్యూ మంత్రి మల్లాడి కృష్ణారావు చెప్పారు. తెలుగుజాతి సమైఖ్యత,భాషాప్రయుక్తరాష్ట్ర ప్రధాన ఉద్దేశ్యం యానాం ఆంధ్రప్రదేశ్ లో కలిస్తే నెరవేరుతుంది.తెలుగుతల్లి బిడ్డలందరూ ఒకేరాష్ట్రంగా ఉంటారు.సమైక్యాంధ్ర కోసం ఇప్పుడు ఉద్యమాలు జరుగుతున్నాయి గనుక భౌగోళికంగా సామీప్యత, 100% తెలుగు ప్రజలున్న యానాం ను ఇప్పటికైనా తమిళ పుదుచ్చేరి నుండి విడదీసి సమైక్యాంధ్రలో కలపాలి.కలిస్తే బాగుంటుందని ఆశ.యానాంను తెలుగు ప్రాంత పర్యాటక కేంద్రంగా అభివృద్ధి చెయ్యాలి.

    ఆంధ్రప్రదేశ్ లో జిల్లాలు
    ఏర్పడిన సంవత్సరం ↓ జిల్లా ↓ జిల్లాకేంద్రం ↓ జనాభా (2001) ↓ వైశాల్యం (km²) ↓ జనసాంధ్రత (/km²) ↓ జిల్లావెబ్ సైట్ ↓
    1905 అదిలాబాద్ జిల్లా అదిలాబాద్ 2,479,347 16,105 154 http://adilabad. nic.in/
    1881 అనంతపూర్ జిల్లా అనంతపూర్ 3,639,304 19,130 190 http://anantapur. nic.in/
    1911 చిత్తూరు జిల్లా చిత్తూరు 3,735,202 15,152 247 http://chittoor. nic.in/
    1802 తూర్పు గోదావరి జిల్లా కాకినాడ 4,872,622 10,807 451 http://eastgodavari .nic.in/
    1794 గుంటూరు జిల్లా గుంటూరు 4,405,521 11,391 387 http://guntur. nic.in/
    1978 హైదరాబాద్ జిల్లా హైదరాబాద్ 3,686,460 217 16,988 http://hyderabad. nic.in/
    1910 కడప జిల్లా కడప 2,573,481 15,359 168 http://kadapa. nic.in/
    1905 కరీంనగర్ జిల్లా కరీంనగర్ 3,477,079 11,823 294 http://karimnagar. nic.in/
    1953 ఖమ్మం జిల్లా ఖమ్మం 2,565,412 16,029 160 http://khammam. nic.in/
    1925 కృష్ణా జిల్లా మచిలీపట్నం 4,218,416 8,727 483 http://krishna. nic.in/
    1949 కర్నూలు జిల్లా కర్నూలు 3,512,266 17,658 199 http://kurnool. nic.in/
    1870 మహబూబ్ నగర్ జిల్లా మహబూబ్ నగర్ 3,506,876 18,432 190 http://mahabubnagar .nic.in/
    1956 మెదక్ జిల్లా సంగారెడ్డి 2,662,296 9,699 274 http://medak. nic.in/
    1953 నల్గొండ జిల్లా నల్గొండ 3,238,449 14,240 227 http://nalgonda. nic.in/
    1906 నెల్లూరు జిల్లా నెల్లూరు 2,659,661 13,076 203 http://nellore. nic.in/
    1876 నిజామాబాద్ జిల్లా నిజామాబాద్ 2,342,803 7,956 294 http://nizamabad. nic.in/
    1970 ప్రకాశం జిల్లా ఒంగోలు 3,054,941 17,626 173 http://prakasam. nic.in/
    1978 రంగారెడ్డి జిల్లా హైదరాబాద్ 3,506,670 7,493 468 http://rangareddy. nic.in/
    1950 శ్రీకాకుళం జిల్లా శ్రీకాకుళం 2,528,491 5,837 433 http://srikakulam. nic.in/
    1950 విశాఖపట్నం జిల్లా విశాఖపట్నం 3,789,823 11,161 340 http://visakhapatna m.nic.in/
    1979 విజయనగరం జిల్లా విజయనగరం 2,245,103 6,539 343 http://vizianagaram .nic.in/
    1905 వరంగల్ జిల్లా వరంగల్ 3,231,174 12,846 252 http://warangal. nic.in/
    1926 పశ్చిమగోదావరి జిల్లా ఏలూరు 3,796,144 7,742 490 http://wgodavari. nic.in/
    విశేషాలు

    * అనంతపురం జిల్లా కంటే వైశాల్యంలో చిన్న దేశాలు : మాల్టా,గ్రెనెడా,ఆండొర్రా,బహ్రైన్,బ్రూనే,కేప్వర్ద్,సైప్రస్,డొమినికా,ఫిజీ,గాంబియా,జమైకా,కువైట్,లెబనాన్,లక్సెంబర్గ్,మారిషస్,పోర్టోరికో,కతార్,సీషెల్స్,సింగపూర్,స్వాజీలాండ్,టాంగో.ట్రినిడాడ్,టుబాగో,వనౌటూ.


Comments are currently closed.



ఈ బ్లాగులో ఇక నుంచి వ్యాఖ్యలు అనుమతించబడవు. దీనికి కారణాలు ఒకటి అజ్ఞాత బ్లాగర్ల చికాకు పెట్టే కామెంట్లయితే రెండోది నేను రాసిన బ్లాగుపోస్టులపై వస్తున్న వ్యాఖ్యలకు మళ్లీ తిరిగి జవాబులు రాసే తీరిక లేకపోవడమే. ఈ బ్లాగులోని విషయాలపై మీరు నాతో ఏమైనా చెప్పదలుచుకున్నా, చర్చించదలుచుకున్నా నా ఈమెయిల్ ఐడికి konatham.dileepATgmail.com కు రాయండి.

ట్విట్టర్ పై తెలంగాణ

a

గణాంకాలు

  • 92,385 సందర్శకులు

%d bloggers like this: